СТИХИ ИЗ ПЕСКА
Погода
4.1°C
Морось
Брест
3.8°C
Без особых явлений
Витебск
4.6°C
Без особых явлений
Гомель
4.6°C
Без особых явлений
Гродно
1.8°C
Ветер 2 м/с, Восточный
Минск
0.7°C
Ветер 2 м/с, С-В
Могилёв
ИСТОРИЯ В КАРТИНАХ
РУССКИЙ ЯЗЫК НОВОГО ПОКОЛЕНИЯ
Сейчас смотрят
Метеориты –– естественные космические тела, которые хранят в себе тайны других планет. Прекрасное зрелище представляет собой летящая в небе комета, но, когда она достигает поверхности земли, то оставляет после себя лишь черные дыры и куски камня и железа.
Белорусские метеориты
Министерство по чрезвычайным ситуациям (МЧС) Республики Беларусь осуществляет государственное регулирование и управление в сфере предупреждения и ликвидации чрезвычайных ситуаций природного и техногенного характера и гражданской обороны.
Министерство по чрезвычайным ситуациям Республики Беларусь
Государством принят ряд актов законодательства по созданию благоприятных условий для инвестиционной деятельности, в том числе путем участия инвесторов в приватизации государственной собственности.
Приватизация
Факультет военной разведки создан 20 июля 2009 года.
Факультет военной разведки
Беларуская народная песня «Рушнікі» гучыць у выкананні славутага ансамбля «Песняры».
 Песня «Рушнікі»
Схема прямых продаж в строительной отрасли получила наибольшее развитие в сфере комплексных поставок инструмента, специализированного оборудования, расходных материалов и крепежа.
Практика прямых продаж в строительной отрасли Витебщины
Программа ТВ

Мінскія прывіды

Мінскія прывіды

Па колькасцi мiстыкi «на душу насельнiцтва» Мiнск вытрымае параўнанне з тымі гарадамi Еўропы, куды традыцыйна турысты едуць у пошуках таямнiчага.

У Лошыцкім парку

Самы вядомы з мінскіх прывідаў — пані Ядзвіга. Жыве яна ў Лошыцкім парку. Хоць звычайна незаспакоеныя душы не вылучаюцца дабрынёй, лошыцкі прывід лічыцца добрым.

Была панна жонкай гаспадара Лошыцкага фальварка і ўладара «Бровара» Яўстафія Любанскага. Згодна з паданнем, прыгажуня закахалася ў маладога беднага шляхціца. Пра іх сувязь даведаўся муж, а здарылася гэта акурат у дзень 30-годдзя жанчыны. У фальварку быў вялікі прыём, гаспадыня ў бальнай сукенцы выбегла на бераг ракі Лошы. Што здарылася далей — невядома. Альбо лодка, у якую села пані, перакулілася, альбо жанчына сама кінулася ў ваду. Калі пачалі пошукі, спачатку ўбачылі белы лёгкі шалік на вадзе, а пазней знайшли і цела — яго вынесла на бераг.

Лошыцкі парк

— Я не веру, што пані Ядзвіся скончыла жыццё самагубствам, — гаворыць дырэктар турыстычнага прадпрыемства «Гасціна», гісторык Ала Барташэвіч. — Яе нашчадкі, якія зараз жывуць у Польшчы, сцвярджаюць, што яна была шчырай хрысціянкай. Так, яна была вельмі прыгожай  — з пышнымі белакурымі валасамі, класічнымі рысамі твару, любіла фліртаваць, але была верная Любанскаму. Яе смерць
— проста трагічны выпадак.

Паколькi самагубства не было даказана, пахавалі пані Ядзвігу ў капліцы, муміфікаванае цела ляжала ў хрустальнай труне, як у вядомай казцы. На месцы, дзе знайшлі цела каханай, пан Любанскі пасадзіў манчжурскі абрыкос — экзатычнае дрэва, плады якога знешне нагадваюць сэрца. Капліцы сёння ўжо няма, яе разабралі ў 1930-я, калі будавалі машынна-трактарную станцыю. А дрэва, што пасадзіў у 1905 годзе пан Любанскі, ўбачыць можна і сёння. Кажуць, што вясной, калі абрыкос зацвітае, вечарамі ў Лошыцкім парку можна сустрэць прывід жанчыны ў белым адзенні.

У гістарычным цэнтры

Лічыцца, што адзін такі цень блукае па вуліцы Зыбіцкай, што знаходзіцца ў раёне плошчы Свабоды. Праўда, стары дом, у якім “пражывала” незаспакоеная душа, быў некалькі гадоў таму знесены, і на яго месцы зараз пабудаваны новы.

Вуліца Зыбіцкая. Архіўны фотаздымак

Будынак прызначаны для студэнтаў беларускай духоўнай акадэміі, так што ці заселіцца прывід туды зноў — вялікае пытанне. Легенда ж распавядае, што ў XIX стагоддзі ў тым, што зараз знесены, доме, жыў купец, які меў дзвюх дачок і падчарку. Для ўсіх трох дзяўчын купец наняў настаўніка. І ўсе дзяўчыны ў яго, маладога і прыгожага, закахаліся. А ён, згодна з казачнай логікай, абраў падчарку. Сёстры вырашылі адпомсціць шчаслівіцы. Сабраўшыся на баль, яны звязалі сястру і пасадзілі ў падпол. І якраз у той час вада ў Свіслачы паднялася і затапіла падпол. Дзяўчына загінула. Прывід яе нядобры толькі да маладых дзяўчын, хлопцам не паказваецца.

У скверы каля ратушы

А ў ратушы і скверы каля яе з XVIII стагоддзя сустракаецца прывід Міхала Валадковіча. Багаты шляхціч Валадковіч быў блізкім сябрам Радзівіла, знакамітага Пане Каханку. Заўзяты карцёжник і п’яніца, Міхал марыў увайсці ў склад гарадской рады Мінска і засядаць у ратушы. Аднак за круты нораў кіраўніком яго не абіралі. Нарэшце Радзівіл паўплываў на «айцоў горада», але і трапіўшы ў ратушу,  Міхал сваіх звычак не змяніў.

Ратуша ў 1800 годзе

Аднойчы, прайграўшыся ў карты, ён «пазычыў» грошы з гарадской казны, што захоўвалася у ратушы. А пасля яшчэ і сарваў каталіцкае богаслужэнне, выставіўшы перад касцёлам на плошчы (зараз плошчы Свабоды) бочку з віном –– для тых, хто замест малітвы абярэ гулянку. Такіх набралося нямала, а Міхал трапіў ў астрог. Яму пагражала смяротнае пакаранне. Але яго можна было пазбегнуць, калі б злачынца ўсяго толькі папрасіў прабачэння ў святара і пакаяўся. Валадковіч быў настолькі ўпэўнены ў абароне Радзівіла, што горда адмовіўся ад прапановы. І памыліўся. Бо пане Каханку на той час у Мінску не было, а гарадскія ўлады, не паведаміўшы Радзівілу, хуценька расстралялі Валадковіча ў скверы каля ратушы. З тых часоў яго дух пужае людзей пры поўным месяцы.

На Кальварыйскіх могілках

Старэйшым у Мінску могілкам — Кальварыйскім — афіцыйна 170 гадоў. Але, як сведчаць гісторыкі, на гэтым месцы пахаванні праводзіліся яшчэ ў XV стагоддзі. Зразумела, гэта самае ўтульнае месца для прывідаў.

Кальварыйскія могілкі. Канец XIX стагоддзя

Напрыканцы XIX стагоддзя ў багатай шляхецкай мінскай сям’і раптоўна памерла дачка. Маладую паненку пахавалі ў склепе. На самой справе дзяўчына заснула летаргічным сном і прачнулася ў труне. Выбрацца са склепа яна не змагла і памерла ў пакутах. Вось і блукае прывід па могілках восеньскімі вечарамі, плача, стогне і пужае людзей. Мінская Белая панна з Кальварыйскіх могілак (у адрозненне ад Чорнай Панны Нясвіжа) вылучаецца злосным норавам, лепш яе не сустракаць.

3D ЭКСКУРСИИ
КЛИПЫ
СОЦИАЛЬНАЯ РЕКЛАМА
Видеопрезентация
МНЕНИЕ
ВОПРОС-ОТВЕТ